جولدار جاقسارىپ  كەلەدى

ەلباسى ن. نازارباەۆ «نۇرلى جول – بولاشاققا باستار جول» اتتى قازاقستان حالقىنا جولداۋىندا «جول شىن مانىندە ءومىردىڭ وزەگى, باقۋاتتى تىرلىكتىڭ قاينار كوزى» دەپ اتاپ ءوتتى. شىنىندا, جول جاقسارسا بارىس-كەلىس, قارىم-قاتىناس قالىپتى بولادى, تۇرمىس تۇزەلەدى. ەلىمىزدىڭ ەكونوميكالىق دامۋى كەزىندە كەنجەلەپ قالعان بۇل سالانىڭ بويىنا دا قان ءجۇ­گىر­تۋگە العىشارت جاساپ وتىر. سوڭعى جىلدارى كۇرەجولدى بىلاي قويعاندا, اۋىل اراسىنىڭ جولدارىن جوندەۋگە دە قارجى ءبو­لىنىپ, ىرگەلى ىستەر اتقارىلۋدا. مىنە, العا اۋدانىندا دا بۇل باعىتتا وڭ وزگەرىستەر بار.  اۋدان بويىنشا اۆتوكولىك جولدارى  354 شاقىرىمدى قۇرايدى. وتكەن جىلى اۆتوكولىك جولدارىن كۇردەلى جوندەۋ جانە ورتاشا جوندەۋ جۇ­مىستارىنا وبلىستىق بيۋدجەت­تەن  403,2 ميلليون تەڭگە جانە رەس­پۋبليكالىق بيۋدجەتتەن 261,0 ميلليون تەڭگە  ءبولىندى. اقتوبە وبلىسىنىڭ اۆتوجولدار باسقارماسىنىڭ قولداۋىمەن وبلىستىق بيۋدجەتتەن 60,9 ميلليون تەڭگە ءبولىنىپ, 4 جول تەلىمىنە كۇردەلى جوندەۋ جۇمىستارىن جۇرگىزۋگە جوبالىق-سمەتالىق قۇ­جات  دايىندالىپ, تاۋەلسىز ساراپ­تاماعا وتكىزىلدى. ولار «ۇشقۇدىق-نۇربۇلاق» اراسىنداعى ۇزىندىعى – 23, العا-قارابۇلاق اۋىلدارىن جالعاستىراتىن – 40 , «ەسەت باتىر-قاينار» اراسىنداعى 36 شاقىرىم جول جانە  مارجانبۇلاق اۋىلىنا كىرەبەرىس جولى بولىپ تابىلادى. اقتوبە قالاسىنىڭ اگلومەراتسيا­سىنا كىرەتىن ۇشقۇدىق, تامدى, مارجانبۇلاق, بەستاماق, ەسەت باتىر اۋىلدارىنىڭ  ورتالىق كوشەلەرىن اسفالتتاۋعا دا جوبا­لىق-سمەتالىق قۇجات دايىندالدى جانە جەرگىلىكتى بيۋدجەتتەن 5,0 ميلليون تەڭگە ءبولۋ جوسپارلانۋدا. اۋدان ورتالىعى العا قالاسى اقتوبە اگلومەراتسياسىنا ەنىپ تۇر ءارى شاعىن قالاعا جاتادى. سوندىقتان قالا جولدارىن كۇردەلى جانە اعىمداعى جوندەۋگە باسا ماڭىز بەرىلىپ وتىر دەۋ ورىندى.  العا قالاسىنداعى وبلىستىق بالالار ءۇيىنىڭ كىرەبەرىس جولى جانە اباي, لەنين, فۋتبولنايا, ەلەك, مۇراتباەۆ, مامبەتوۆ جانە مۇحامبەتوۆ  كوشەلەرىندەگى اۆتوكولىك جولدارىنا ورتاشا جوندەۋ جۇمىستارى جۇرگىزىلدى. سونىمەن قاتار ۆ. پاتساەۆ اتىن­داعى №2 ورتا مەكتەپتەن اۋداندىق مادەنيەت ۇيىنە دەيىنگى  ۇزىندىعى 204 مەتر جول ورتاشا جوندەۋدەن ءوتتى. شاعىن قالادا 78 كوپقابات­تى تۇرعىن ءۇي بار, بيىلدىڭ ءوزىن­دە 18 كوپقاباتتى  تۇرعىن ۇيلەردىڭ  اۋلالارىنا اسفالت توسەلىپ, ورىندىقتار مەن بالالار الاڭى  جانە ا.بايتۇرسىنوۆ, ش.ءۋاليحانوۆ كوشەلەرىنىڭ بويىنا تروتۋار سالىندى.  «يانكا» جشس-دەن تەمىرجول بەكەتىنە دەيىن, ءۋاليحانوۆ جانە سەيفۋللين كوشەلەرىنە 3,3 شاقىرىمعا جۋىق جول اسفالتتالدى. جوعارىدا اتالعان جۇمىستاردىڭ بارلىعىن مەردىگەر كاسىپورىن – «اگدس» جشس  اتقاردى. – ءبىزدىڭ اۋدان اقتوبە وبلى­سىنىڭ ازىق-ت ۇلىك بەلدەۋىن قامتۋدا ەرەكشە ورىن الادى. «اكتەپ» جانە «رەيىمقۇل» جاۋاپكەرشىلىگى شەكتەۋلى سەرىكتەستىكتەرىندەگى بورداقىلانعان, ايبەك سەلولىق تۇتىنۋشىلىق كووپەراتيۆىندەگى سويىلعان ءىرى قارا مال  جەرگىلىكتى ەت نارىعىن قامتاماسىز ەتىپ وتىر. سونداي-اق سىرتقى نارىققا ەت ەكسپورتتاۋ تاپسىرماسىن دا اتالمىش ەكى ءىرى شارۋاشىلىق جۇزەگە اسىرۋدا. وسىعان وراي «بيزنەستىڭ جول كارتاسى-2020» باعدارلاماسىنىڭ «جاڭا بيزنەس باستامالارىن قولداۋ» جانە «وندىرىستىك ينفراقۇرىلىمدى دامىتۋ» باعىتتارى بويىنشا «اكتەپ» جشس-نە 174,7 ميلليون تەڭگە قارجى ءبولىنىپ «العا – سامباي» جولىنا ۇزىندىعى 3,6 شاقىرىم كۇردەلى  جوندەۋ  جۇمىستارى جۇرگىزىلدى. وبلىس اكىمى ا. مۇحامبەتوۆتىڭ اۋدانعا كەلگەن ساپارىندا بۇل جۇمىستاردى جۇيەلى تۇردە جالعاستىرۋ جونىندە تاپسىرما بەرگەن بولاتىن. ول ءۇشىن 27 ۇيلەردىڭ  اۋلاسى  اباتتاندىرىلادى. سونىمەن قاتار العا قالاسىنداعى 5 كوشەگە جوندەۋ جۇمىستارىن جۇرگىزۋ جوسپارلانىپ وتىر, – دەيدى العا اۋدانىنىڭ اكىمى اسقار شەريازدانوۆ. ساتىبالدى ءساۋىرباي, «ەگەمەن قازاقستان». اقتوبە وبلىسى, العا اۋدانى.